Roberto Bordin: Səhvlərimiz oldu

“Neftçi”nin baş məşqçisi Roberto Bordin premyer liqanın 26-cı turunda “Sumqayıt”la oyun sonrası mətbuat konfransında fikrini açıqlayıb. Allsport.az saytı xəbər verir ki, üzücü gün olduğunu bildirən italiyalı mütəxəssis, yenilginin vəziyyəti daha çətinləşdirdiyini deyib:

“Bizim üçün üzücü gündür. Səhvlərimiz oldu. 2:2-dən sonra qol buraxmağımızı xüsusi vurğulayardım. Rəqib qapısında çoxlu təhlükəli vəziyyət yaratdıq, hətta top qapı dirəyindən də qayıtdı. Öz vəziyyətimizi çətinləşdirdik. Artıq sabahdan növbəti 2 oyuna hazırlaşacağıq”.