Ronaldinyoya ev dustaqlığı verildi

Paraqvayda həbs edilən Braziliya millisinin sabiq üzvü Ronaldinyo və qardaşı Assis Moreyraya ev dustaqlığı verilib. Allsport.az xəbər verir ki, 40 yaşlı veteran futbolçu həbsdən çıxmaq üçün 1,6 milyon dollar ödəyib.

Ronaldinyo və qardaşı cəzalarının qalan müddətini Asunsyondakı lüks otellərin birində keçirəcəklər.

Keçmiş futbolçu və qardaşı saxta pasportla yaxalandığı üçün Paraqvay məhkəməsi onlara 6 ay həbs cəzası vermişdi. Onlar 32 gün həbsdə qalıb.