Rusiyalı xokkeyçiyə ağır cəza

“Rokford Ayshoqs”un rusiyalı qapıçısı Stanislav Berejnoy dopinq testinin müsbət çıxması səbəbindən AHL tərəfindən 20 oyunluq diskvalifikasiya edilib.

Allsport.az xəbər verir ki, liqanın qərarına əsasən, o, buz üzərinə yalnız 11 apreldə qayıda biləcək.

“Çikaqo Blekhoks”un baş meneceri Kayl Devidson idmançının qadağan olunmuş maddəni bilmədən qəbul etdiyini və məsuliyyəti üzərinə götürdüyünü bildirib. Klub rəhbərliyi gənc qapıçının dürüstlük nümayiş etdirdiyini vurğulayaraq ona tam dəstək verdiyini açıqlayıb.

Berejnoy bu mövsüm keçirdiyi 15 oyunda 5 qələbə qazanaraq komandanın ümidverici üzvlərindən biri hesab olunurdu. Hazırda o, cəza müddətini başa vurub apreldə yenidən heyətə qoşulmağı planlaşdırır.