ABŞ yığmasına yeni baş məşqçi təyin olundu

ABŞ xokkey federasiyası milli komandanın dünya çempionatındakı yeni baş məşqçisini açıqlayıb.

Allsport.az xəbər verir ki, “Baffalo Seybrz”in sabiq çalışdırıcısı Don Qranato yığmanı DÇ-2026-ya hazırlayacaq.

Mayın 15-dən 31-nə qədər İsveçrənin Sürix və Friburq şəhərlərində keçiriləcək turnirdə amerikalılar “A” qrupunda İsveçrə, Finlandiya, Avstriya, Latviya, Almaniya, Böyük Britaniya və Macarıstanla mübarizə aparacaqlar.

ABŞ yığması ötən il (DÇ-2025) Rayan Varsofskinin rəhbərliyi altında 1960-cı ildən bəri ilk dəfə qızıl medal qazanaraq çempion olub.