Rüşvətdə ittiham edilən prezident postundan ikiəlli yapışıb

FIFA-nın prezidenti Canni İnfantino prezident postunda qalacağını bildirib. Allsport.az xəbər verir ki, 50 yaşlı funksioner İsveçrə Federal Prokurorluğunun onun barəsində cinayət işi açmasından danışıb:

“Yanlış nəsə etməmişəm. Bu araşdırmanı normal hesab edirəm. Etdiyim işlərdə cinayət görmürəm. Öz postumda qalıb işimi davam etdirəcəyəm”.

İtaliya əsilli isveçrəli funksioner 2016-cı ildə rüşvət qalmaqalına görə postundan istefa verən Jozef Blatterin əvəzinə FİFA prezidenti seçilib.