Səfərdə 70-ci, Qurbanovdan ilk

Ruslan Qurbanov “Zirə”nin heyətində ilk qolunu vurub. Allsport.az xəbər verir ki, o, premyer liqanın 2-ci turunun “Səbail”lə səfər oyununda fərqlənib.

Penaltini dəqiq yerinə yetirən Qurbanov 2:1 hesablı qələbəyə töhfəsini verib. O, qol hesabını komandadakı 2-ci matçında açıb. Ruslan “Zirə”nin heyətində rəqib qapısına yol tapan 43-cü futbolçudur. Bunadək 42 oyunçu qol vurmağa müvəffəq olub.

Qurbanovun qolu həm də yubiley xarakteri daşıyıb. “Zirə” premyer liqada 70-ci səfər qolunu vurub. Bu, rəqib meydanındakı 72-ci görüşə təsadüf edib.