Sənan Qurbanov hücum xəttindən gileyləndi

“Keşlə”nin baş məşqçisi Sənan Qurbanov premyer liqanın 19-cu turunda “Neftçi”yə uduzduqları oyundan (1:3) sonra mətbuat konfransında iştirak edib. Allsport.az xəbər verir ki, o, məğlubiyyəti şərh edib:

“Neftçi”nin oynamasına imkan verməməliydik, eyni zamanda öz oyunumuzu göstərməli idik. İlk dəqiqələrdə bu alınmadı. Uşaq səhvlərindən iki top buraxdıq. Ancaq 90 dəqiqə ərzində istədiyimiz oyunu görə bildik. Əlimizə düşən imkanlardan istfadə edə bilmədik. Bu da hücum xəttində futbolçuların ustalıq səviyyəsinin o qədər də yüksək olmaması ilə əlaqədardır. Ancaq oyun hücumlarımız şəraitindən keçdi, 7-8 real imkanımız oldu. “Neftçi”nin usta futbolçuları qol vurdu, biz isə yararlana bilmədik”.