“Sabah” U-15 çempionu olub

Allsport.az xəbər verir ki, U-15 liqasında 2022/23 mövsümü başa çatıb. “Sabah”ın müvafiq yaş qrupundan ibarət komandası mövsümü çempion kimi başa vurub.

Komanda liqanın həlledici matçında “Neftçi” ilə qarşılaşıb. “ASCO arena”da keçirilən oyun Elnur Zeynalovun yetirmələrinin minimal hesablı qələbəsi ilə nəticələnib. Matçda yeganə qolu İslam Həsənov vurub.

Oyunda komandanın qələbə qoluna imza atan İslam həm də, 76 qolla liqanın bombardiri olub.