Sabiq “Qarabağ”lı Gürcüstan klubunda

“Qarabağ”ın sabiq hücumçusu Reynaldonun yeni klubu bəlli olub.

Allsport.az xəbər verir ki, 30 yaşlı futbolçu karyerasını Gürcüstanda davam etdirəcək. O, yüksək liqa təmsilçisi “Dinamo”ya (Batumi) keçib.

Reynaldo 2013-2017-ci illərdə “Qarabağ”da çıxış edib. O, 2019-cu ilin qış fasiləsində “Aktobe”dən Ağdam klubuna qayıdıb. 6 ay sonra ağdamlıları tərk edən Reynaldo Qazaxıstan təmsilçisi “İrtış”la müqavilə imzalasa da, komandadan qısa müddət sonra ayrılıb.