Şahruddin çempionatın lideridir

Bu mövsüm ən çox quru oyun keçirən qapıçı Şahruddin Məhəmmədəliyevdir. Allsport.az xəbər verir ki, “Qarabağ”ın qapıçısı premyer liqanın 9 matçında qapısını toxunulmaz saxlayıb.

Onun ən yaxın izləyicisi Səlahət Ağayevdir. “Neftçi”nin qolkiperi 8 qarşılaşmada qol buraxmayıb.

3-cü yerdə qərarlaşan “Keşlə”nin moldovalı əlcək sahibi Stanislav Namaşko 7 matçı quru keçirib.

“Qarabağ”da oynamış Asmir Beqoviç qısa müddət çıxış etdiyi çempionatın 6 matçında qapısının toxunulmazlığını qoruyub.