Santuşun müqaviləsi yeniləndi

Portuqaliya futbol federasiyası millinin baş məşqçisi Fernandu Santuşla yeni müqavilə imzalayıb. Allsport.az xəbər verir ki, 65 yaşlı mütəxəssisin yeni sözləşməsi 2024-cü ilin yayına qədər davam edəcək.

Santuş 2014-cü ildən millini çalışdırır. Komanda onun rəhbərliyi altında 2016-cı ildə Avropa çempionatının, 2018-2019 mövsümündə isə millətlər liqasının qalibi olub.