Serbiya və Niderland komandaları ilk yarımfinalçılardır!

Bu gün Milli Gimnastika Arenasında qadın voleybolçuların Avropa çempionatında 1/4 final başlayıb. Allsport.az saytı xəbər verir ki, yarışa uğurlu başlamayan Niderland yığması sonradan toparlana bilib.

Pley-offda xorvatları 3:0 məyus edən “narıncılar”, bu hesabla qızıl medallarara əsas iddialılardan olan İtaliya kollektivini də sıradan çıxarıb (25:17, 25:20, 25:13).

Digər cütdə favorit Serbiya millisi Belarusa imkan verməyib – 3:0 (25:19, 25:12, 25:14). Sabah 18:00-da Almaniya voleybolçuları Azərbaycan seçməsi ilə görüşəcək. Sonra Türkiyə – Rusiya qarşıdurması olacaq.