“Sevilya”ya yeni baş məşqçi təyin olundu

“Sevilya” klubu baş məşqçi postuna Luis Qarsiya Plasanı gətirib.

Allsport.az xəbər verir ki, 53 yaşlı mütəxəssis Əndəlüs təmsilçisi ilə 2027-ci ilin yayına qədər qüvvədə olan müqavilə imzalayıb.

Futbolçu karyerası zamanı “Atletiko”nun yetirməsi olan Plasa ağır zədə səbəbindən 27 yaşında meydanlarla vidalaşmalı olub. Məşqçilik fəaliyyətində ən böyük uğurunu 2008/09 mövsümündə “Levante”ni la liqaya çıxarmaqla qazanıb.

Mütəxəssis karyerası ərzində “Xetafe”, “Vilyarreal”, “Malyorka” və “Alaves” kimi klubları çalışdırıb. O, həmçinin BƏƏ, Çin və Səudiyyə Ərəbistanı çempionatlarında da məşqçilik təcrübəsinə malikdir.