«Smoha»dan çətin qələbə, voleybolçumuzdan 19 xal

Milli komandamızın voleybolçusu Vüqar Bayramovun Misir Superliqasında şərəfini qoruduğu «Smoha» klubu dünən növbəti oyununu keçirib.

Allsport.az saytı xəbər verir ki, İsgəndəriyyə təmsilçisi 18-ci turda səfərdə «Petrojet» komandası ilə görüşüb. Matç 3:2 «ağ-göylər»in qələbəsi ilə bitib.

Bu görüşdə də həmyerlimiz forma geyinib və komandasına 19 xal qazandırıb. Nəzərinizə çatdıraq ki, «Smoha» cari çempionatda yalnız 1 məğlubiyyət alıb. İsgəndəriyyə təmsilçisi ötən tur «Armiya»ya 1:3 uduzmuşdu.