Stadionlar oyunları qəbul etməyə hazırdır

Premyer liqanın 17-ci turunun matçlarının keçiriləcəyi stadionlar hazır vəziyyətə gətirilib.

Allsport.az xəbər verir ki, oyunların keçiriləcəyi 4 stadion qardan təmizlənib.

Bu gün Qəbələ şəhər stadionunda rayonun eyniadlı komandası “Sumqayıt”ı, Zirə İdman Kompleksinin stadionunda qəsəbənin eyniadlı klubu “Neftçi”ni, “Azersun Arena”da “Qarabağ” “Səbail”i, Bank Respublika Arena”da isə “Sabah” “Keşlə”ni qəbul edəcək.