Taekvondo federasiyasında yeni vitse-prezident

Azərbaycan taekvondo federasiyasının (ATF) idarə heyətinin növbəti iclası keçirilib. Allsport.az saytı xəbər verir ki, toplantıda cari məsələlər müzakirə olunub. Həmçinin, ATF-in fəaliyyətinin yüksəldilməsi və idarəetmədə səmərəliliyin artırılması məqsədi ilə federasiyasının prezidenti Kəmaləddin Heydərov vitse-prezidentlərinin say tərkibinin artırılmasını və Hikmət Səmədovun (şəkildə ortada) bu vəzifəyə namizədliyini təklif edib. Ümumi yığıncağında təkliflər səsə qoyularaq qəbul edilib.

Beləliklə o, ATF-in yeni vitse-prezidenti seçilib.