Tarixdə 5-ci, “Qarabağ”dan 3-cü

“Qarabağ” yeni mövsümə 2 böyük hesablı qələbə ilə başlayıb. Qurban Qurbanovun komandası “Araz-Naxçıvan”a 4:1, “Kəpəz”ə 3:0 hesabı ilə qalib gəlib. Ölkə çempionatlarının 32 illik tarixində 5-ci dəfə bir komanda startda belə uğur qazanıb.

“Köhlən atlar” bunu 3-cü dəfə bacarıb. 1993/94 və 2003/04 mövsümlərində də oxşar ssenari yaşanıb. 2000/01 mövsümündə “Neftçi” ilk 2 oyununda 3 və ya daha çox top fərqilə qalib gəlib. Sonuncu belə start isə 2008/09 mövsümündə gerçəkləşib. 16 il əvvəl “Qəbələ” ilk 2 görüşdə böyük hesabla sevinib.