Toğrul Əsgərov: Riodan da qızıl medalla qayıtmağa çalışacağam

Bu gün gecə saatlarında olimpiya millimiz Braziliyaya yola düşdü. Allsport.az saytı xəbər verir ki, Heydər Əliyev adına Beynəlxalq Hava Limanında yolasalma mərasimində sərbəst güləş millimizin  üzvü Toğrul Əsgərov (65 kq) KİV-ə müsahibə verdi. Olimpiya çempionumuz Rio-2016-da ötən uğurunu təkrarlamağa çalışacağını dedi:

«Hazırlığımız yüksək səviyyədə keçdi. Komandaya hər cür şərait yaratmışdılar. Bircə qalıb, orada canla-başla mübarizə aparaq. Mən də öz növbəmdə, əlimdən gələni edəcəyəm ki, London2012-də qazandığımı uğuru Rioda da təkrralayım».