“Turan Tovuz” futbol akademiyasında “C” kateqoriyalı məşqçi kursu başa çatıb

“Turan Tovuz” futbol akademiyasında “C” dərəcəli məşqçi kursları başa çatıb. Allsport.az saytı xəbər verir ki, qərb regionundan olan 18 məşqçinin qatıldığı kurslarda 6 inspektor məşqçilərin bilik və bacarıqlarının artırılması üçün nəzəri və praktiki dərslər keçib.

AFFA-nın dəstəyi və Qərb regional futbol federasiyasının təşkilatçılığı ilə keçirilən dərslərə rəhbərlik edən inspektorlar məşqçilərin hazırlanmasında yüksək peşəkarlıq nümayiş etdirdiklərinə görə QRFF tərəfindən təşəkkürnamə ilə təltif olunublar.

Təşəkkürnamələri QRFF-nin prezidenti Nadir Nəbiyev təqdim edib. Təltif olunan inspektorlar bunlardır: Aslan Kərimov, Osman Rəhimov, İlham Əzizzadə, Zamir Həsənov, Anar Salmanov və Cahangir Həsənzadə.