U-17 millimiz rusiyalı həmyaşıdlarına 12 qol vurub

17 yaşadək futbolçulardan ibarət Azərbaycan millisi Qazaxıstanın Şımkənd şəhərində təşkil olunan “Prezident kuboku”nun qrup mərhələsində son oyununu keçirib. Allsport.az saytı xəbər verir ki, Rusiya-2 yığması ilə qarşılaşan komandamız böyük hesablı qələbə qazanıb – 12:1.

Xaqani Sadıqov 6, Kamran Quliyev isə 4 qol vurublar. Hərəyə 1 dəfə İzzət Muştaqov və Məhəmməd Məhərrəmov fərqləniblər.

İlk oyunda İran seçməsinə 0:3 hesabı ilə məğlub olan, 2-ci qarşılaşmada isə Tacikistan komandası ilə 2:2 hesablı heç-heçə edən millimiz qrupda 3-cü yeri tutub.