UEFA bir oyunun yerini dəyişdi

UEFA çempionlar liqasının 1/8 finalının cavab görüşləri çərçivəsində keçiriləcək “Liverpul” – “Leyptsiq” matçının yerini dəyişdirib. Allsport.az xəbər verir ki, martın 10-da “Enfild” stadionunda keçirilməli olan görüş neytral meydanda – Budapeştdəki “Puşkas Arena”da oynanılacaq.

Buna koronavirus pandemiyasının geniş yayılmasına görə İngiltərənin təyyarə uçuşlarını dayandırması səbəb olub.

Komandalar arasında ilk matç da “Puşkaş Arena”da keçirilib. Qarşılaşmada “Liverpul” 2:0 hesablı qələbə qazanıb.