UWW-un rəsmi saytı 4 sərbəst güləşçimizi qızıl medala şanslı sayır!

Dünya Güləş Birliyi Rio-2016-da qızıl medal qazanmağa şansı olan «sərbəstlər»in adlarını açıqlayıb. Allsport.az-ın xəbərinə görə, ehtimal siyahısında millimizin nə az, nə çox, 6 mümkün çəkidən 4 üzvü yer alıb! Bunlar olimpiya çempionlarımız Toğrul Əsgərovla (65 kq) Şərif Şərifov (86 kq), dünya çempionları Hacı Əliyev (61 kq) və Xetaq Qazyumovdur (97 kq). Qurumun rəsmi saytı təmsilçilərimizin beynəlxalq arenalarda uğurlarına və əsas rəqiblərinə də toxunub.