Voleybol millisində məşqçi dəyişikliyi

16 yaşadək voleybolçu oğlanlardan ibarət millimiz Şərqi Avropa voleybol zonal assosiasiyası (EEVZA) çempionatında iştirak etmək üçün bu gün Estoniyaya yola düşüb.
Allsport.az xəbər verir ki, 27-30 noyabrda keçiriləcək yarışda mübarizə aparacaq komandamızın məşqçilər korpusunda dəyişiklik olub. Belə ki, səhhətində yaranan problemə görə gənc oğlanlardan ibarət milli komandanın baş məşqçisi Cahangir Səid Abbasi yarışda iştirak edə bilməyəcək. Onu Çingiz Axarçeşmə əvəz edəcək. C.Axarçeşmənin köməkçiləri isə Tural Teymurov və Elşən Heybətov olacaq.
“B” qrupunda yer alan komandamızın rəqibləri Estoniya və Latviya yığmalarıdır. “AVRO-2025”ə seçmə xarakteri daşıyan çempionatın reqlamentinə əsasən, çempion qitə birinciliyinin final mərhələsinə vəsiqə əldə edəcək.
U-16 millimizin heyəti:
Oyunçular: Elvin Qədirli, Elvin Abdullayev, Mətin Əlibəyli, Özcan Məhərrəmov, Əli Novruzlu, Onur Xəlilov, Seymur Əliyev, İmran Hüseynzadə, Sənan Quliyev, Ramin Nəhmədov, Baba Əzizli, Daniil Belov, Əmir Yaqubi, Elvin Vəliyev.