Dç-2014

Voleybolçu qızlarımızdan çətin qələbə

Bu gün İtaliyada qadın voleybolçular arasında dünya çempionatında III turun oyunları keçirilib. Allsport.az saytı xəbər verir ki, “D” qrupunda yer alan millimiz Bari şəhərində növbəti görüşündə Puerto-Riko komandası ilə qarşılaşıb.

İlk turda 3 qat dünya çempionu Yaponiyanı məğlub edən (3:2), ardınca Çinə uduzan (0:3) voleybolçularımız, növbəti sınaqda mərkəzi amerikalı rəqibini üstələyib. Bu matçıda qızlarımız həlledici setdə seviniblər.

25 sentyabr, III tur
Puerto-Riko – Azərbaycan – 2:3 (20:25; 26:24; 24:26, 25:16; 15:17)