Xarıbülbülün naləsi ilə gələn ilk xal

Bu gün “Qarabağ” qitə liqasının “İ” qrupunun 5-ci turunda İstanbulda “Başağşəhər Fateh Tərim” stadionunda “Makkabi”ini (Tel-Əviv) qonaq edib. Allsport.az saytının məlumatına görə, pandemiya səbəbindən görüşə böyük itkilərlə çıxan “köhlən atlar” çətinliyə rəğmən, meydandan 1 xalla dönməyi bacarıb.

Baxmayaraq ki, hesabı ilk olaraq İsrail klubu açmışdı, Yonatan Kohen 11-metrlik cərimə zərbəsindən dəqiq yerinə yetirmişdi. Amma toparlanan Ağdam komandası bundan cəmi 14 dəqiqə sonra Xayme Romeronun sayəsində bərabərlik qolunu vurub.

“Qarabağ” bu mövsüm qrupda ilk xalını qazanması həssas məqama düşüb. Bu gün 2-ci Vətən müharibəsində 2783 şəhid verdiyimiz rəsmən açıqlanıb. Sabah saat 12:00-da qəhrəman əsgərlərimiz bir dəqiqəlik sükutla anılacaq. Şuşada bitən qeyri-adi Xarıbülbül gülü törənin rəmzidir.