“Xeyli sayda itkilərin olması nəticəyə təsir etdi”

“Keşlə” premyer liqanın 11-ci turunda evdə “Sabah”la 1:1 edib. Allsport.az saytı xəbər verir ki, meydan sahiblərinin baş məşqçisi Yunis Hüseynov mətbuat konfransında bunu deyib:

“Oyuna çox yaxşı hazırlaşmışdıq. Xeyli sayda itkilərin olması nəticəyə təsir etdi. Buna baxmayaraq, komandamın göstəridiyi əzmkarlıqdan razı qaldım.

Azlıqda qaldıqdan sonra futbolçular xarakter göstərib, qol vurmağı bacardılar. Bu gün göstərdiyimiz oyundan razı qaldım”.