Yannis Anastasiu: “Qəbələ” çox təhlükəli komandadır”

Yunanıstanın “Panatinaikos” klubunun baş məşqçisi Yannis Anastasiu Avropa Liqasının pley-off mərhələsi çərçivəsində “Qəbələ”yə qarşı keçirəcəkləri oyun öncəsi fikirlərini açıqlayıb. Allsport.az xəbər verir ki, o, yerli mətbuata açıqlamasında bunları söyləyib:

“Biz onların Avropa Liqasının əvvəlki təsnifat mərhələsi çərçivəsində “Dinamo” (Tiflis, Gürcüstan), “Çukariçki” (Serbiya) və “Apollon”la (Kipr) bütün oyunlarına baxmışıq. Çox təhlükəli komandadır. Hazır olmalıyıq. Rəqibə tam ciddiyəti ilə yanaşsaq, uğura ümid edə bilərik. Rəqibi qiymətləndirmək çox vacibdir”.