Yunis Hüseynov: Qol imkanlarından istifadə edə bilmədik

“Keşlə” premyer liqanın 7-ci turunda rəqib meydanında “Neftçi”yə 0:1 məğlub olub. Allsport.az saytı xəbər verir ki, qonaqların baş məşqçisi Yunis Hüseynov mətbuat konfransında bunu söyləyib:

“İlk növbədə döyüş zonasında olan əsgərlərə uğurlar arzulayıram, biz hər zaman onların yanındayıq. “Neftçi” ilə oyuna 3 xal qazanmaq üçün çıxmışdıq.

Qol imkanları əldə etsək də, onlardan istifadə edə bilmədik. Lakin komandamızın oyunundan razı qaldım, növbəti matçlarda qələbə qazanmağa çalışacağıq. “Neftçi”yə də qarşıdakı oyunlarda uğurlar arzu edirəm”.