“Zirə”yə xəbərdarlıq etdi, 3 klubu cərimələdi

Bu gün AFFA intizam komitəsinin iclası keçirilib. Allsport.az saytı xəbər verir ki, premyer liqasının 5-ci turunda qayda pozuntuları ilə bağlı qərarlar qəbul edilib.

“Sumqayıt” – “Araz Naxçıvan” oyununda qonaqların  5 futbolçusu sarı vərəqə aldığına görə klub 700 manat cərimə edilib.

“Şamaxı” – “Neftçi” oyunu bitdikdən sonra meydançaya kənar şəxs daxil olduğundan, meydan sahibi 800 manat cərimələnib.

“Kəpəz” – “Sabah” oyunu bitdikdən sonra meydançaya kənar şəxs daxil olduğu üçün, Gəncə klubu 800 manat ziyana düşüb.

“Zirə” – “Qarabağ” oyununun 29-cu dəqiqəsində “qartallar”ın azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə “Zirə”yə xəbərdarlıq edilib.