Zurab Oçiqavan “Qəbələ”də

Allsport.az xəbər verir ki, 2023/24 mövsümünün transfer çalışmalarını davam etdirən “Qəbələ” heyətinə daha bir futbolçu qatıb.

“Qırmızı qaralar” Zurab Oçiqavanın keçidini rəsmiləşdirib.
28 yaşlı müdafiəçi ilə 2 illik müqavilə imzalanıb. Ukraynalı legionerin son klubu “Sabah” olub. Oçiqava Azərbaycan Premyer Liqasının son üç mövsümündə 34 matçda 2 qol vurub.

Zurab karyerası ərzində Ukraynada “Mariupol”, Kiyev “Dinamo”su, “Olimpik”, “Dnepr-1”, “Vorskla”, Estoniyada “Levadiya”nın da şərəfini qoruyub. O, Ukraynanın U-20 və U-21 milli komandalarında da forma geyinib.