“Əskişəhərspor” Muaremlə razılığa gəldi

Azərbaycan çempionu “Qarabağ”ın aparıcı futbolçularından biri – Muarem Muarem komandadan ayrılır. Allsport.az xəbər verir ki, təcrübəli yarımmüdafiəçi bundan sonra Türkiyə Super Liqasında mübarizə apara bilər.

Türkiyə mətbuatının yazdığına görə, makedoniyalı futbolçunun xidmətində “Əskişəhərspor” klubu maraqlıdır. Sözügedən klubun rəhbərliyinin artıq Muarremlə razılığa gəldiyi də iddia olunur. Super Liqa təmsilçisi onu komandadan ayrılan Ərkan Zənginin yerinə gətirmək istəyir.

Maraq üçün vurğulayaq ki, “Əskişəhərspor”un Muaremlə bağlı rəsmi təklif göndərdiyini “Qarabağ” rəsmiləri də təsdiqləyiblər.

Qeyd edək ki, Makedoniya millisinin üzvü 2012-ci ildən “Qarabağ”da çıxış edir. O, 2010-2011-ci illər ərzində daha bir Türkiyə təmsilçisi “Orduspor”un formasını geyinib.