150-ci qələbə

Azərbaycan klublarının avrokuboklardakı qələbə sayı 150-yə çatıb.

Allsport.az xəbər verir ki, yubiley qalibiyyəti çempionlar liqasının II təsnifat mərhələsinin cavab görüşləri çərçivəsində keçirilən “Qarabağ” – “Şelburn” oyununa təsadüf edib.

Ağdam təmsilçisi İrlandiya klubuna 1:0 hesabı ilə qalib gəlib. 150-ci qələbə qitə səhnəsindəki 477-ci matça təsadüf edib.

Azərbaycanın təmsilçiləri çempionlar liqasında 38, Avropa liqasında (əvvəl UEFA kuboku) 82, konfrans liqasında 21, intertoto kubokunda 9 dəfə azarkeşlərini sevindirib. Qələbələrdən 87-si evdə, 63-ü səfərdə əldə olunub.

Azərbaycan komandalarının ilk qələbəsi 1996-cı il iyulun 17-nə təsadüf edib. Həmin gün “Neftçi” Sofiya “Lokomotiv”ini Bakıda 2:1 hesabı ilə məğlub edib.