“2 xal itirdik, nəinki 1 xal qazandıq”

Azərbaycan premyer liqasının XXIX turunda “Turan Tovuz” “Səbail”lə səfərdə 0:0 hesablı heç-heçəyə razılaşıb.

Allsport.az xəbər verir ki, ASCO arenada keçirilən oyundan sonra Tovuz təmsilçisinin baş məşqçisi Qurban Berdıyev mətbuat konfransında iştirak edib:

“Yaxşı başa düşürük ki, bu gün 2 xal itirdik, nəinki 1 xal qazandıq. Birinci hissə ehtiyatlı oynadıq. İkinci hissədə daha yaxşı idik. Sadəcə 1 qol vurmağımız çatışmadı. Öz aramızda da müzakirə edirik. Ümid edirik ki, qarşıdakı oyunlarda daha yaxşı olacağıq”.