3 futbolçu ilə müqavilə uzadıldı

“Fakel” klubu yarımmüdafiəçilər Nikolay Qiorqobiani, Vyaçeslav Yakimov və Abdula Baqamayev ilə sözləşməni yeniləyib.

Allsport.az xəbər verir ki, Rusiya təmsilçisi hər üç oyunçunun müqaviləsini uzunmüddətli edib.

28 yaşlı Nikolay Qiorqobiani 2024-cü ilin yayından klubdadır və cari mövsümdə 17 oyuna çıxaraq 4 qol vurub və 3 məhsuldar ötürmə edib.

27 yaşlı Vyaçeslav Yakimov və 21 yaşlı Abdula Baqamayev 2023-cü ildən “Fakel”də çıxış edirlər. Bu mövsüm Yakimov 11 oyunda 1 məhsuldar ötürmə, Baqamayev isə 15 görüşdə 1 qol və 1 məhsuldar ötürmə ilə yadda qalıb.