3×3 basketbol üzrə qadın millimiz 1/4 finala vəsiqəni təmin edib

Allsport.az xəbər verir ki, 29-30 iyun tarixlərində 3×3 basketbol üzrə Fransanın Marsel şəhərində keçirilən dünya qadın seriyasının növbəti mərhələsində, ilk oyun gününün oyunları davam edir.

Qadınlardan ibarət 3×3 basketbol millimiz, Fransa, Polşa və Malaziya yığmaları birlikdə “A” qrupunda qərarlaşıb.

Yığmamız qrupun ilk oyununda Fransa millisinə 9:21 hesab ilə məğlub olduqdan sonra, ikinci görüşdə Malaziya seçməsinə 21:17 hesabı ilə qalib gəlməyi bacarıb. Bu qələbədən sonra millimiz 1/4 finala vəsiqəni təmin edib.

Qadın komandamızın qrupda sonuncu oyunu Bakı vaxtı ilə saat 22:50 -də, Polşa kollektivinə qarşı baş tutacaq.