60 yaşlı yarışçı ölüb

60 yaşlı amerikalı yarışçı Kris Raşke Yuta ştatında rekord vurmağa cəhd edərkən ölüb.

Allsport.az xəbər verir ki, hadisə avqustun 4-də baş verib.

Quruda sürət rekordu vurmağa cəhd edən təcrübəli sürücü saatda 457 kilometr sürətlənib və cəmi 2,5 mil (4 kilometr) qət edərək idarəetməni itirib.

Qəzanın dəqiq səbəbi hələ müəyyən edilməyib. Avtomobilin mexaniki nasazlığı, pilot xətası və hava şəraitinin təsiri versiyaları nəzərdən keçirilir.