Parisdə Azərbaycan himni: Balabəy Ağayev finalda fransalı cüdoçuya qalib gəldi

Frasanın paytaxtında cüdoçuların “Böyük dəbilqə” turniri başlayıb.

Allsport.az saytı xəbər verir ki, millidə ən yüksək nəticəni 60 kq-da Balabəy Ağayev göstərib. Finala qədər inamla irəliləyən 24 yaşlı idmançı, həlledici tutaşmada yerli Sedrik Revolu üstələyib.

Ona qədər Matteus Takaki (Braziliya), Tsoqt-Oçir Byambajav (Monqolustan), Temur Nozadze (Gürcüstan) və Kamoliddin Baxtıyarovu (Özbəkistan) məyus edib.

Balabəy bu uğur ilə hesabına əlavə 1000 lisenziya xalı qazanıb.