Abbas Hüseynov: “Müsbət nəticə qazanmaq istəyirik”

“Qarabağ”ın müdafiəçisi Abbas Hüseynov klubun saytına açıqlama verib. Allsport.az xəbər verir ki, o, premyer liqanın 21-ci turunda “Keşlə” ilə matçı (1:1) şərh edib, növbəti turdakı rəqibləri “Sumqayıt”la oyuna ciddi hazırlaşdıqlarını deyib:

“Keşlə” ilə oyunumuz olduqca gərgin mübarizə şəraitində keçdi. Oyuna yaxşı köklənmişdik. Qalib gələ bilməsək də, sona qədər mübarizə apardıq və bir xal qazandıq. Fikrimcə, oyunumuz yaxşı alındı. “Keşlə” öz evində yaxşı mübarizə aparan komandadır.

Növbəti matçımız evdə “Sumqayıt”la olacaq. Bu oyunumuz da çətin keçəcək. Görüşə olduqca ciddi hazırlaşırıq. Əsas oyunçularımızdan zədəli olanlar var. Buna baxmayaraq, qarşılaşmaya yaxşı hazırlaşıb, müsbət nəticə qazanmaq istəyirik”.

Aprelin 11-i “Azərsun arena”da “Qarabağ” – “Sumqayıt” oyunu saat 19:15-də başlayacaq.