ABF-in yeni prezidenti: Məşqləri dünya standartlarına uyğunlaşdırmaq və istedadlı gəncləri seçmək lazımdır

Azərbaycan badminton federasiyasının yeni prezidenti Taleh Ziyadov jurnalistlər üçün brifinq təşkil edib. Allsport.az saytı xəbər verir ki, o, əsas hədəfin bu idmanın ölkədə inkişafı, yeni nailiyyətlərin qazanılması və qarşıdakı yarışlarda, o cümlədən olimpiya oyunlarında Azərbaycanı təmsil etmək olduğunu deyib:

“Olimpiadaya hazırlıq üçün uşaqları 11-12 yaşından yetişdirmək lazımdır. Məşqlərini dünya standartlarına uyğunlaşdırmaq və istedadlı gəncləri seçmək lazımdır.

Qarşıdakı illərdə azərbaycanlı idmançıların beynəlxalq yarışlarda iştirak etdiklərini görəcəksiniz. 2028-ci il Los-Anceles olimpiadasında yerli idmançı görə bilərik. Badmintonu uşaqlar, xüsusilə qızlar arasında təbliğ etmək lazımdır”.