“Abşeron” “Gəncə”ni üstələyib

Qadın voleybolçular arasında yüksək liqada VI turun oyunları keçirilib.

Allsport.az xəbər verir ki, GİN-nin voleybol mərkəzində ilk olaraq “Abşeron” və “Gəncə” komandaları qarşılaşıblar. Bu matçda Famil Ağayevin komandası 3:1 hesabı ilə Gəncə təmsilçisini məğlub edib.
Eyni məkanda baş tutan ikinci oyunda “Milli Aviasiya Akademiyası” “Azərreyl”lə üz-üzə gəlib. 3 set davam edən görüşdə “aviasiyaçılar” 3:0 hesabı ilə qalib gəlib.
UNEC VK-nın idman zalında təşkil olunan turun son görüşündə isə “Murov Az Terminal” klubu UNEC üzərində 3:0 hesabı ilə qələbə qazanıb.

Yüksək liqa
VI tur
15 yanvar
“Abşeron” – “Gəncə” 3:1 (25:12, 25:14, 23:25, 25:17)
UNEC – “Murov Az Terminal” 0:3 (8:25, 15:25, 14:25)
“Azərreyl” – “Milli Aviasiya Akademiyası” 0:3 (17:23, 23:25, 21:25)

VII turun oyunları yanvarın 21-də keçiriləcək.