Adil Əliyev: Gənclər və idman naziri təyin ediləcəyimlə bağlı yayılan məlumat əsassızdır

“Sosial şəbəkələrdə mənim idman naziri olacağımla bağlı aparılan kampaniyani qəbul etmirəm”. Allsport.az saytı xəbər verir ki, bu sözü Kikboksinq federasitasının prezidenti Adil Əliyev şəxsi Feysbuk səhifəsində yazıb. O, gənclər və idman naziri təyin ediləcəyi ilə bağlı yayılan məlumatların əsassız olduğunu deyib.

“Sizdən artıq dərəcədə xahiş edirəm, statusu siləsiniz. Bu, ölkə rəhbərinin kadr siyasətinə ziddir. Azad müəllim yaxın dostumdur, həm də yaxşı insandır. Federasiya olaraq, nazirliklə sıx əməkdaşlığımız var. Bundan çox məmnunam. Bu gün kimisə

Feysbuk üzərindən hansısa vəzifəyə təyin etmirlər. Ölkə rəhbəri, cənab prezident yaxşı bilir ki, kimi hansı vəzifəyə təyin etmək lazımdır. Mən millət vəkili olaraq millətimə, xalqıma xidmət edirəm. Burada da çox rahatam. Vətənimə, dövlətimə hansısa vəzifəyə görə xidmət etmirəm. Xoş arzu və istəklərinizə görə hər kəsə təşəkkür edirəm”.

Qeyd edək ki, sosial şəbəkələrdə Adil Əliyevin gənclər və idman naziri təyin ediləcəyi ilə bağlı məlumatlar yayılıb.