AFFA “Sabah” – “Neftçi” matçının baş hakimi barədə araşdırma aparacaq

AFFA “Sabah” – “Neftçi” oyununun hakimlərinin idarəçiliyi ilə bağlı araşdırma aparacaq. Allsport.az xəbər verir ki, premyer liqanın XXIV turu çərçivəsində aprelin 25-də keçirilmiş “Sabah” – “Neftçi” oyununun hakim-inspektoru tərəfindən təqdim olunacaq hesabata əsasən (hər oyundan sonra həyata keçirilən prosedura uyğun olaraq) qarşılaşmanın hakimlər briqadasının idarəçiliyi ilə əlaqədar AFFA-nın hakimlər komitəsi tərəfindən müvafiq araşdırma aparılacaq.

Sözügedən qarşılaşmanı Vüqar Həsənlinin başçılıq etdiri hakimlər briqadası idarə edib. Hakimlərin qərarları ciddi müzakirələrə səbəb olub.