AFFA “Sumqayıt” və “Zirə”nin şikayətinə baxdı

AFFA apellyasiya arbitraj tribunalının “Sumqayıt” və “Zirə” klubu ilə bağlı qərarları açıqlanıb. Allsport.az xəbər verir ki, qərarlara əsasən, “Sumqayıt”ın apellyasiya şikayəti qismən təmin edilib.

AFFA intizam komitəsinin mayın 5-də etdiyi qərarla Camaləddin Xocaniyazova verilən 4 oyun kənarlaşdırılma cəzası və kluba tətbiq edilən 3200 manat cərimə müvafiq olaraq 2 oyun kənarlaşdırılma cəzası və 1600 manat cərimə ilə əvəzlənib.
 
“Zirə”nin apellyasiya şikayəti isə təmin edilməyib. AFFA intizam komitəsinin mayın 5-də “Zirə” futbol klubu və məşqçisi Eltun Yaqublu barədə verdiyi qərar qüvvədə saxlanılıb.