Ağırlıqqaldıranımız Əmmanda İslam Həmrəyliyi İdman Federasiyasının yarışında 2-ci olub

İordaniyanın paytaxtı Əmmanda İslam Həmrəyliyi İdman Federasiyasının 4-cü ağırlıqqaldırna çempionatı keçirilir. Allsport.az saytı xəbər verir ki, 2-ci yarış günündə 2 kişi atletimiz mübarizə qoşulub. Allahyar Abışov və Məhəmməd Məmmədli 62 kq çəkilərdə çıxış ediblər.

Adı ilk çəkilən azman toplamda 262 kq (118+144) nəticə göstərib, 2-ci yeri tutub. “İsmayıllı-Zirvə”nin üzvü cəmdə 245 kq-mın (110+135) öhdəsindən gələrək, 6-cı olub.

Bundan öncə, bizdən Mərziyyə Məhərəmova (48 kq) qızıl, Anastasiya İbrahimli (69 kq) gümüş medal qazanıblar.