Ağırlıqqaldıranlarımız Krımda təlim-məşq toplanışında

Ağırlıqqaldıranlardan ibarət millimiz Krımda təlim-məşq toplanışındadır. Allsport.az saytı xəbər verir ki, komandamız orada texniki-taktiki və fiziki hazırlıq üzrə çalışmalar edir. Azmanlarımız yarımadada avqustun 21-nə qədər qalacaqlar.

Yığmada disflikasiyalı idmançıların cəza müddəti başa çatdığından, kollektiv tam heyətlə bir aradadır. Ağırlıqqaldıranlarımızın bu mövsüm üçün ən ciddi sınağı noyabrda olacaq. ABŞ-ın Hyuston şəhərində keçiriləcək dünya çempionatı Rio-2016-ya vəsiqə xalı verəcək.