- Baxış sayı: 28
- 06 Sentyabr 2024 22:48
- Baxış sayı: 49
- Sentyabr 07, 2024
- 0
Azərbaycan ilə Çex Respublikasının antidopinq qurumları arasında əməkdaşlığın perspektivləri müzakirə olunub
Allsport.az xəbər verir ki, Bakıda Azərbaycan milli antidopinq agentliyi ilə Çex Respublikası antidopinq komitəsinin rəhbərliyi arasında görüş olub.
Görüş zamanı tərəflər qadağan edilmiş vasitələrin və üsulların istifadəsinə qarşı mübarizə sahəsində ikitərəfli əməkdaşlığın perspektivləri, təcrübə mübadiləsinin aparılması məqsədilə anlaşma memorandumunun imzalanması imkanlarını müzakirə ediblər.
Hər iki tərəf antidopinq proqramlarının təkmilləşdirilməsinə yönəlmiş innovativ layihələr üzərində birgə fəaliyyətdə maraqlı olduğunu bildirib.
Görüş zamanı idmançılara və idmançı köməkçi heyətinə dərman vasitələrinin ümumdünya antidopinq agentliyinin (VADA) qadağan edilmiş siyahısında olub-olmadığını yoxlamağa imkan verəcək mobil proqramın hazırlanmasına xüsusi diqqət yetirilib. Bu proqram təmiz idmanın təmin edilməsində və idmançıları qadağan edilmiş maddələrin qəsdən istifadəsindən qorumaqda mühüm vasitə olacaq.
Çex Respublikasının antidopinq komitəsinin rəhbəri Martin Çizjek qeyd edib: “Biz AMADA ilə əməkdaşlıq etmək imkanından məmnunuq”.
AMADA-nın icraçı direktorunun müavini Rüfət Efendiyev öz növbəsində əlavə edib: “Bu tərəfdaşlıqda böyük potensial görürük və mobil tətbiqin hazırlanması kimi innovativ yanaşmalar, bizə antidopinq standartlarını yeni səviyyəyə qaldırmağa imkan verəcək”.