Amorim klubun tarixinə keçdi

Avropa liqasının əsas mərhələsinin 7-ci turunda “Mançester Yunayted” doğma meydanda Şotlandiyanın “Reyncers” klubunu məğlub edib – 2:1.

Allsport.az xəbər verir ki, görüş qırmızı şeytanların baş məşqçisi Ruben Amorim üçün əlamətdar olub.
MY portuqaliyalı mütəxəssisin rəhbərliyi altında Avropa liqasında hər üç oyunda qalib gəlib.
Beləliklə, Amorim “Mançester Yunayted”in tarixində klubun sükanı arxasında ilk avrokubokların hər üç oyununda qalib gələn üçüncü məşqçi olub. Əvvəllər buna Mett Basbi (1956) və Aleks Ferqyuson (1990) nail olmuşdu.