“Anderlext” “Qarabağ”la oyun öncəsi kubokda da qələbə qazandı

Belçika Kubokunda 1/16 final mərhələsinin oyunları keçirilib. Allsport.az xəbər verir ki, Avropa Liqasının qrup mərhələsində “Qarabağ”ın rəqibi olan “Anderlext” də yeni mövsümdə ilk kubok matçını keçirib.

Sözügedən komanda öz meydanında “Spouven-Mopertingen”lə qarşılaşıb. Oyun ağdamlıların rəqibinin 3:1 hesablı qələbəsiylə başa çatıb. Nəticədə, “Anderlext” 1/8 finala vəsiqə əldə edib.

Qeyd edək ki, “Qarabağ” Avroliqadakı növbəti matçını məhz “Anderlext”ə qarşı keçirəcək.