“Qarabağ”ın rəqibini Belçika kubokunun 1/4 finalına buraxmadılar

Belçika kubokunda 1/8 final mərhələsinin oyunları keçirilib. Allsport.az xəbər verir ki, Avropa Liqasının qrup mərhələsində “Qarabağ”ın rəqibi olan “Anderlext” də növbəti matçına çıxıb.

Sözügedən komanda səfərdə “Kortreyk”lə qarşılaşıb. Matç Ağdam klubunun rəqininin 2:4 hesablı məğlubiyyəti ilə başa çatıb. Nəticədə, “Anderlext” kubokla vidalaşmalı olub.

Qeyd edək ki, “Qarabağ” qrup mərhələsindəki son oyununu məhz Belçikada bu rəqibinə qarşı keçirəcək.