“Al qurdlar”dan 30-cu qələbə

Allsport.az xəbər verir ki, bu yubiley Azərbaycan premyer liqasının XV turuna təsadüf edib. Elmar Baxşıyevin komandası öz meydanında “Turan Tovuz”a 1:0 hesabı ilə qalib gəlib.

“Araz-Naxçıvan” 30-cu qələbəsini 93-cü oyunda əldə edib. Bu qələbələrdən 19-u evdə, 11-i səfərdə qazanılıb.

“Al qurdlar”ın ilk uğuru 2000/01 mövsümünə təsadüf edib. Muxtar respublikanın təmsilçisi 2000-ci il avqustun 20-də səfərdə Quba “Şahdağ”ına 1:0 hesabı ilə qalib gəlib.

“Ağ-qırmızılar” ölkə çempionatlarında 30 və daha çox qələbə qazanan 33-cü komandadır.